گاکپۆ دەبێتە شوێنگرەوەی رۆناڵدۆ

یاریگا–
کودی گاکپۆ، گۆڵکارە لاوەکەی یانەی هەڵبژاردەی هۆڵەندا و یانەی ئایندهۆڤنی ئەم وڵاتە، بووەتە ئامانجی یانەی مانچێستەر یونایتدی ئینگلیزی.

رۆژنامەی تەلەگرافی بەریتانی بڵاویکردەوە، کارگێری شەیتانە سوورەکان، دەیانەوێت بۆ مانگی یەکی ساڵی داهاتوو، شوێنگرەوەی گۆڵکاری پۆرتوگالی پێشووی یانەکەیان بگوازنەوە، بۆ ئەم مەبەستەش گۆڵکارە لاوەکەی هەڵبژاردەی هۆڵەندایان کردووەتە ئامانج.

سەرچاوەکە بڵاویشی کردەوە، شەیتانە سوورەکان ئامادەن لە پێناو گواستنەوەی گاکپۆ، 50 ملیۆن پاوەند پێشکەشی یانەکەی بکەن.