لە کاتی مۆندیال یانەکانی پرێمەرلیگ بەردەوام دەبن

یاریگا-
یانەکانی پرێمەرلیگ لە هەوڵی ئەوەدان لە کاتی بەڕێوەچوونی مۆندیالی قەتەر، یاری
دۆستانە لە نێوان خۆیاندا بکەن.

رۆژنامەی دەیلی مەیلی بەریتانی بڵاویکردەوە، یانەکانی وڵاتەکەیان لە گفتوگۆدان، بۆ ئەوەی لە کاتی بەڕێوەچوونی یارییەکانی مۆندیالی قەتەر، بەردەوام لەو ماوەیە یاری دۆستانە بکەن، بۆ ئەوەی ئامادەکاری بۆ یارییەکانی بۆکسینگ دەی بکەن.

مۆندیالی قەتەر لە رۆژی 20ـی مانگی 11 دەست پێدەکات و لە 18ـی مانگی 12 کۆتایی دێت و یارییەکانی بۆکسینگ دەی لە پرێمەرلیگیش رۆژی 26ـی هەمان مانگ دەست پێدەکات.