گاتوزو بووە راهێنەری ڤالێنسیا

یاریگا–
گێنارۆ گاتوزۆ، راهێنەری پێشووی یانەکانی ئەیسی میلان و ناپۆلی ئیتاڵی بەشێوەیەکی فەرمی وەکو راهێنەری یانەی ڤالێنسیای ئیسپانیا دەست نیشانکرا.

هەژمارەی فەرمی یانەی ڤالێنسیا لە تۆڕی کۆمەڵایەتی تویتەر بڵاویکردەوە، لەگەڵ راهێنەرە ئیتاڵیەکە گەیشتنە رێکەوتن و، ناوبراو بۆ ماوەی دوو وەرز تاوەکو ساڵی 2024 وەکو راهێنەری یانەکەیان دەست نیشانکرا.

گاتوزۆ دوای وازهێنانی لە یاریکردن راهێنەرایەتی یانەکانی ئەیسی میلان و ناپۆلی وڵاتەکەی کرد و، ئێستاش بۆ جاری یەکەم ئەزموونێکی نوێ لە دەرەوەی وڵاتەکەی تاقیدەکاتەوە.