‎یوفا دەیەوێت گۆڕانکاری لە یارییەکانی چامپیۆنزلیگ بکات

‎یاریگا-
‎یەکێتی تۆپی پێ ئەوروپا بیر لەوە دەکاتەوە لە وەرزی 2024/2025 شێوازی یارییەکانی قۆناخی پێشکۆتایی چامپیۆنزلیگ گۆڕانکاری تێدا بکات.

‎ماڵپەری وەرزشی گۆڵی جیهانی ئاشکرای کردووە، یوێفا لەگەڵ یەکێتی یانەکانی ئەوروپا دەیانەوێت یارییەکانی قۆناخی پێشکۆتایی چامپیۆنزلیگ لە وەرزی 2024/2025 بە دواوە هاوشێوەی وەرزی 2019/2020 لە یەک شار بەڕێوەبچێت بە شێوازی یەک یاری یاخود لە نێوان چوار تیپی سەرکەوتوو براوەی ناسناوەکە یەکلایی بکرێتەوە.

‎گۆڵ بڵاویشی کردەوە ئەم شێوازە وەکو ئەو وەرزەی کە ڤایرۆسی کۆرۆنا بڵاوبووەو دەکرێت و یارییەکان لە یەک شار بەڕێوەدەچن.