یاریگا-
ئیدارەی یانەی ڕیاڵ مەدریدی ئیسپانی دەیانەوێت یەكێك لە ئەستێرەكانی یانەی ئەرسیناڵی ئینگلیزی لە گواستنەوەكانی هاوینەدا بگوازنەوە ڕیزەكانیان.
بەپێی زانیاریەكانی ڕۆژنامەی ذە سەن ڕیاڵ مەدرید بڕی 50 ملیۆن پاوەندی ئامادەكردووە بۆ گواستنەوەی كیران تێرنی ئەستێرەی ئەرسیناڵ لە گواستنەوەكانی هاوینەدا.
هەمان سەرچاوە ئاشكرایكردووە كە كارلۆ ئەنچیلۆتی ئیتاڵی و ڕاهێنەری یانەی ڕیاڵ مەدریدی ئیسپانی ئەو كاتەی لە ناپۆلی بوو خەونی بەوەوە دەبینێ تێرنی پەیوەندیان پێوە بكات بەڵام یاریزانەكە ئەرسیناڵی هەڵبژارد.
نرخی ئێستای یاریزانە سكۆتلەندیەكە لە بازاڕی گواستنەوەدا بەپێی پێگەی ترانسفەرماركێت 32 ملیۆن یۆرۆیە.
