ئالێگری : پەشیمان نیم لە پلانەکانم بەرامبەر ڤیاریاڵ
یاریگا-ماسیمیلیانۆ ئالێگری راهێنەری یوڤێنتۆس دەڵێت دووبارە بەهەمان شێواز رووبەرووی ڤیاریاڵ دەبێتەوە ئەگەر یارییەکە دووبارە بکرێتەوە.
یۆڤی بەشێوەیەکی چاوەڕواننەکراو، ٣-٠ تووشی شکست هات بەرامبەر ڤیاریاڵ و جارێکی تر لە قۆناغی ١٦ ماڵئاوایی کرد.
ئالێگری دوای یارییەکە وتی “دووبارە ببێتەوە، بەهەمان شێوە یاری دەکەمەوە چونکە یاریزانەکانمان ٦٥ خولەک بە باشی یارییان کرد و گەیشتە ئەوەی ڤیاریاڵ بە هەموویان بەرگرییان دەکرد. دەبێت بە ناچاری ئەم شكستە قبوڵ بکەین، بە ئازارە بەڵام ناتوانم رەخنە لە یاریزانەکانم بگرم و باش یارییان کرد”
لە کۆنگرە رۆژنامەوانییەکەدا لە ئالێگری یان پرسی ئەو توڕەبوونەی پاش فیکەی کۆتایی بەرامبەر کێ بوو ؟ ئێمری؟ ئەویش وتی “لە کەس توڕە نەبووم، پیرۆزباییم لە ئێمری کرد و بە باشی یاری خۆیان ئەنجامدا و با نەچینە ناو قسە و باس ئەمە یارمەتی کەس نادات”.
چوارەم وەرزی دوای یەکە یوڤێنتۆس لە قۆناغی ١٦دا ماڵئاوایی دەکات و هەمیشە رکابەرەکانی ئاسانتر بوون لەم قۆناغەدا بەرامبەر یانەکانی دیکە.
