یاریگا-
فێران تۆرێسی ئیسپانی و هێرشبەری یانەی بارسێلۆنای ئیسپانی دڵخۆشی خۆی دەربڕی بە بردنەوەكەیان بەرامبەر ئێلچی.
ئێلچی لە یاریگای خۆیدا میوانداری بارسێلۆنای كرد و یانەی میوان بە دوو گۆڵ بەرامبەر گۆڵێك یاریەكەی بردەوە ، لە میانەی یاریەكانی هەفتەی 27ی خولی ئیسپانیا.
لە دوای یاریەكە تۆرێس ووتی: بە ئامادەبوونی چاڤی گۆڕانكاری زۆر لە بارسێلۆنا ڕوویداوە ، ئێمە بەو شێوازە یاری ئەكەین كە ئەو دەیەوێت ، بەوەش ئەنجامی باش بەدەست دەهێنین.
هەروەها ووتیشی: یاریگای ئێلچی زۆر سەخت بوو ، یاریكردن تێیدا زۆر هیلاكی كردین ، من دڵخۆشم بە بردنەوەكەمان ، بەتایبەت كە گۆڵەكەم هاوكاری یانەكەی كردم بۆ بردنەوە ، ئێستاش بیر لە یاری پێنجشەممە دەكەینەوە بەرامبەر گالاتاسەرای.
بارسێلۆنا بە كۆكردنەوەی 48 خاڵ لە پلەی سێیەمی ڕیزبەندی خولی ئیسپانیا دێت.
