یاریگا–
کارگێری یانەی ریال مەدریدی ئیسپانیا دەیەوێت هاوینی داهاتوو ماوریسیۆ پۆچێتینیۆ وەکو راهێنەری یانەکەی دەست نیشان بکات.
رۆژنامەی دەیلی مایلی بەریتانی زانیاری دەستکەوتووە، شاهانەکان هەوڵەکانیان بۆ رازی کردنی راهێنەرەکەی پاریس سانجێرمان دەست پێکردووە و، ئامانجیانە وەرزی داهاتوو لە شوێنی کارلۆ ئانچێلۆتی وەکو راهێنەری یانەکەیان دەست نیشان بکەن.
سەرچاوەکە بڵاویشی کردووەتەوە، بێجگە لە یانە ئیسپانیەکە، مانچێستەر یونایتدیش دەیەوێت پۆچێتینیۆ وەکو راهێنەری یانەکەیان بۆ وەرزی داهاتوو دەست نیشان بکەن.
