یاریگا–
کارلۆ ئانچێلۆتی، راهێنەری ئیتاڵی یانەی ریال مەدریدی ئیسپانیا لە کۆنگرەی رۆژنامەوانی پێش یاری یانەکەی بەرامبەر ڤیاریال باسی لە گەڕانەوەی کەریم بێنزێم و فێرلاند مێندی هەردوو یاریزانی فەرەنسی یانەکەی کرد.
راهێنەرەکەی شاهانەکان لەبارەی چارەنوسی هێرشبەری فەرەنسی یانەکەی گووتی ” بێنزێما چەند رۆژێکە بە تەنیا دەستی بە راهێنانەکانی کردووە، چاوەڕێ دەکەین یەک شەممە یان دووشەممەی داهاتوو بەشداری راهێنانە بە کۆمەڵەکان بکات، ئەو یاریزانە ئەگەر بۆ یاری سێ شەممەی داهاتوو بەرامبەر پاریس سانجێرمان بە تەواوەتی لە پێکانەکەی رزگار بێت، ئەوا بەشداری پێدەکەین ”.
ئانچێلۆتی سەبارەت بە فێرلاند مێندی بەرگریکاریش گووتی ” ئەو یاریزانە بۆ یاری سبەی بەرامبەر ڤیاریال لە لالیگا بەشداری ناکات، بەڵام بۆ یاری بەرامبەر پاریس سانجێرمان دەگەڕێتەوە ”.
