یاریگا–
کارگێری یانەی مانچێستەر یونایتدی ئینگلیزی دەیەوێت دوای کۆتایی هاتنی ئەم وەرزە، بە زووترین کات راهێنەرێکی هەمیشەیی دەست نیشان بکەن و بۆ ئەم مەبەستەش چوار کەس بۆ ئەم پۆستە پالێوراون.
رۆژنامەی ئاتلێتیکی بەریتانی زانیاری دەستکەوتووە، کارگێری شەیتانە سوورەکان لە چەند هەفتەی داهاتوو بە مەبەستی دەستنیشانکردنی راهێنەرێکی هەمیشەیی، هەوڵەکانیان دەست پێدەکەن و بۆ ئەم مەبەستەش هەر یەکە لە ماوریسیۆ پۆچێتینیۆ، ئێدین تێن هاگ، لویس ئێنریکێ و هەروەها جولیان لوپتیخێ بۆ ئەم پۆستە پالێوراون.
سەرچاوەکە بڵاویشی کردووەتەوە ئەم چوار ناوە گشتیان لە پۆستەکانیان بەردەوامن، بەڵام کارگێری مان یو هەموو هەوڵێک بۆ رازی کردن یەکێکیان دەدات.
