یاریگا-
ڕاپۆرتە ڕۆژنامەوانیەكان ڕایانگەیاند یانەی ئەیاكس ئەمستەردامی هۆڵەندی نرخی نیكۆلاس تالیافیكۆی بۆ بارسێلۆنا دیاریكرد.
بارسێلۆنا لە هەولی پتەوكردنی ڕیزەكانیدایە و یەكێك لە هێڵەكان كە دەیەوێت پتەوی بكات باڵی جۆردی ئەلبایە و دەیەوێت یاریزانێك بگوازێتەوە بۆ ئەو هێڵە.
بەپێی زانیاریەكانی “TYC”ی ئەرجەنتینی یەكێك لەو ناوانە كە بارسێلۆنا هەوڵی گواستنەوەی ئەدات نیكۆلاس تالیافیكۆیە و ئەیاكس داوای حەوت ملیۆن یۆرۆ دەكات لە پێناو دەستبەرداربوون لە یاریزانەكە.
گرێبەستەكەی تالیافیكۆی 29 ساڵان لەگەڵ ئەیاكس لە 2023 بەسەردەچێت.
