ئامیناتا دیالۆ ئازادکرا و پاریسیش داواکارییەکی هەیە

یاریگا-ئامیناتا دیالۆی یاریزانی ئافرەتانی پاریس سان جێرمان لەلایەن پۆلیسەوە بە بێ هیچ سزایەک ئازادکرا.

دیالۆ جیهانی تووشی شۆک کرد کاتێک ئاشکرابوو دوو کەسی بە کرێ گرتووە تاوەکو کیرا حەمراوی هاوتیمی ئازاربدەن و نەتوانێت یاری بکات.

دوابەدوای دەستگیرکردن و زیندانیکردنی بۆ ماوەی ٣٥ کاتژمێر، ئەمڕۆ ئەمیناتا ئازادکرا بەهۆی نەبوونی بەڵگەی پێویست لە ئێستادا بەڵام پۆلیس بەردەوامە لە لێکۆڵینەوە و چاوەڕواندەکرێت پاش کۆکردنەوەی بەڵگە و تەواوبوونی لێکۆڵینەوەکان، سەرلەنوێ دەستگیربکرێت.

یانەی پاریس سان جێرمانیش لەلایەن خۆیەوە داوای لە یەکێتی تۆپی پێی فەڕەنسا کردووە یارییەکەی بەرامبەر لیۆن دوابخرێت بەهۆی کاریگەری دەروونی ئەو رووداوە لەسەر یاریزانەکانی دیکە.