یاریگا-
ماریانۆ دیازی هێرشبەری یانەی ڕیال مەدریدی ئیسپانی باس لە پێكانەكەی دەكات بەرامبەر ئێلچی.
ئێلچی لە یاریگای خۆیدا میوانداری ڕیاڵ مەدریدی كرد و یاریەكەش بە بردنەوەی یانەی میوان بە ئەنجامی دوو گۆڵ بەرامبەر گۆڵێك كۆتایی هات ، لە میانەی یاریەكانی هەفتەی 12ی لالیگای ئیسپانیا.
لە خولەكەكانی كۆتاییدا ماریانۆ لە ڕوخساریدا تووشی پێكانێكی بەهێز بوو.
لە دوای یاریەكە لە هەژماری تایبەتی خۆی لە تۆڕی كۆمەڵایەتی ئینستاگرام ماریانۆ ووتی:
” من ناتوانم لەوە زیاتر دڵخۆش بم بۆ یەكەم دەركەوتنم وەك یاریزانی سەرەكی و بردنەوەمان ، بەڵام بە داخەوە تووشی ڕووداوێكی ناخۆش بووم ، تووشی شكانی لووتم بووم و دەبێت نەشتەرگەری بۆ ئەنجام بدەم ، بۆ ماوەی چەند ڕۆژێك دوور دەكەومەوە و بە زووترین كات دەگەڕێمەوە بۆ یاریكردن ”.
ڕیاڵ مەدرید بە كۆكردنەوەی 24 خاڵ لە پێشەنگی ڕیزبەندی خولەكە دێت.
