داواكاری گشتی فەڕەنسا داوای 10 مانگ زیندانی بۆ بێنزیما دەكات

یاریگا-

دۆسیەی ماتیۆ ڤالبوینا و كەریم بێنزیما یاریزانانی فەڕەنسا هێشتا بەردەوامی هەیە.

بێنزیما ئامادەی دادگاییەكەی نەبوو هەرچەندە لەلایەن دادوەریشەوە تۆمەتبار كرا ، دوای بڕیاری كۆتایی دادوەران ، پێوویستە چاوەڕوانی پارێزەرانی ڕیاڵ مەدرید بكرێت بۆ جێبەجێكردنی بڕیارەكە.

بەپێی زانیاریەكانی ڕۆژنامەی ماركا دادوەر بڕیاریداوە بەوەی كەریم بێنزیما بۆ ماوەی 10 مانگ زیندانی بكرێت.

هەمان سەرچاوە ئاشكرایكردووە هێرشبەرە فەڕەنسیەكە ناچێتە زیندانەوە مەگەر لەو ماوەیەدا بە تۆمەتێكی دیكەوە تێوەگلابێت.