یاریگا–
دوای بڵاوکردنەوەی لیستی پاڵێوراوانی خەڵاتی باکۆن دۆر لەلاین گۆڤاری فرانس فتبۆل، کاردانەوەی زۆری بەدوای خۆدا هێناوە و هەر یەکە و باس لە یاریزانێک دەکات بۆ بەدەستهێنانی خەڵاتەکە.
رۆبێرتۆ مانیسینی راهێنەری هەڵبژاردەی ئیتاڵیا لە کۆنفڕانسی رۆژنامەوانی پێش یاری هەڵبژاردەکەی بەرامبەر بەلجیکا لەمبارەوە گووتی ” من پێموایە جۆرجینهۆ شایستەی خەڵاتەکەیە، ئەو یاریزانە سەرجەم ناسناوەکانی بەدەستهێناوە و بێجگە لەم یاریزانە هەر یاریزانێکی دیکە خەڵاتەکە بباتەوە، شتێکی سەیر دەبێت “.
بریارە مەراسیمی پێشکەش کردنی خەڵاتی بالۆن دۆر 29ـی مانگی داهاتوو بەرێوەبچێت.
