یاریگا-
ڕاپۆرتە ڕۆژنامەوانیەكانی ئیسپانیا ئاشكرایانكرد گەڕانەوەی یاریزانێكی یانەی ڕیاڵ مەدریدی ئیسپانی بۆ یاریگاكان دوا دەكەوێت.
ڕۆژی یەكشەممە كاتژمێر 17:15 بە كاتی كوردستان ئیسپانیۆل لە یاریگای خۆیدا میوانداری ڕیاڵ مەدرید دەكات ، لە میانەی یاریەكانی هەفتەی هەشتەمی خولی ئیسپانیادا.
بەپێی زانیاریەكانی ڕۆژنامەی ماركای ئیسپانی گەڕانەوەی فێرلاند مێندی بۆ یاریگاكان دوا دەكەوێت لەبەر ئەوەی یاریزانەكە لە كۆتا ڕاهێنانە بەكۆمەڵەكاندا بەشداری نەكردووە و بەوەش ناتوانێت بۆ یاری بەرامبەر ئیسپانیۆل ئامادە بێت.
بەڵام چاوەڕوان دەكرێت تۆنی كرۆس بەشێوەیەكی سەرەكی لەلایەن كارلۆ ئەنچیلۆتیەوە پشتی پێ ببەسترێت.
