یاریگا–
یانەی ئارسێناڵی ئینگلیزی دوای دۆڕانیان لە یەکەم یاری ئەم وەرزەی پرێمەرلیگ بەرامبەر برینتفۆرد، تەواو لە میکێل ئارتێتا راهێنەری یانەکەیان بێ هیوا بووینە و دەیانەوێت دووری بخەنەوە.
رۆژنامەی توتۆ سپۆرتی ئیتاڵی ئاشکرای دەکات، کارگێری یانەی لەندەنیەکە بەهۆی دۆڕانەکەیان بەرامبەر برینتفۆرد لە یەکەم یاری ئەم وەرزەی پرێمەرلیگ، بریاریانداوە کە راهێنەری یانەکەیان دوور بخرێتەوە لە شوێنی ئەویش ئانتۆنیۆ کۆنتی راهێنەری پێشووی یانەی ئینتەر میلانی ئیتاڵی دەست نیشان بکەن.
کۆنتی پێشتر لە پرێمەرلیگ راهێنەرایەتی کردووە، کاتێک راهێنەری یانەی چێڵسی بوو، بۆیە سپێرز پێیانوایە ئەمەیان دەبێتە باشترین شوێنگرەوە بۆ راهێنەری یانەکەیان.
