29 یاریزانی ئەفریقی لە یۆرۆ بەشدارن
یاریگا–
ژمارەیەکی زۆر لە هەڵبژاردە بەشداربووەکانی جامی نەتەوەکانی ئەوروپا یاریزانی بە رەگەز ئەفریقی لە پێکهاتەکەیان یاری دەکەن کە ژمارەیان 29 یاریزان و لە 10 هەڵبژاردەی جیاواز یاری دەکەن.
ماڵپەری alittihad.ae بڵاویکردەوە کە لە کۆی 24 هەڵبژاردەی بەشداربوو لە جامی نەتەوەکانی ئەوروپای 2020، زۆرێک لە هەڵبژاردەکان کە ژمارەیان 10 هەڵبژاردەیە چەندین یاریزانی بە رەگەز ئەفریقی یارییان بۆ دەکەن و ژمارەی ئەو یاریزانانەش دەگاتە 29 یاریزان و هەڵبژاردەی فەرەنسا شەش یاریزانی بەرەگەز ئەفریقی یاری بۆ دەکەن کە زۆرترینە و لە دوای ئەوانیش هەڵبژاردەی ئەڵمانیایە کە لە ریزی ئەو هەڵبژاردەیەش چوار یاریزانی ئەفریقی هەن، ئەوانیش ” رۆدیگێر، لێرۆی سانێ، گێنابری و جەمال موسیالان.
هەر یەک لە هەڵبژاردەکانی نەمسا سێ یاریزان، بەلجیکا چوار یاریزان، سویسڕا یاریزانێک و هۆڵەنەداش یاریزانێک کە مێمفیس دیپایە یاریزانی بە رەگەز ئەفریقین و یاری بۆ هەڵبژاردەی ئەوروپی دەکەن.
