یاریگا-
تیاگۆ سێلڤای بەڕازیلی و ئەستێرەی یانەی چێلسی ئینگلیزی دڵخۆشی خۆی بە بردنەوەكەیان لە مانچێستەر سیتی دەربڕی.
چێڵسی توانی بە تاكە گۆڵێكی كای هاڤێرتز یاریەكە لە مانچێستەر سیتی بباتەوە و بۆ جاری دووەم لە مێژوویدا ببێتە پاڵەوانی چامپیۆنسلیگ.
لە دوای یاریەكە سێلڤا ووتی: هەموو جارێك لە پاریس سان جێرمان كە دەكراینە دەرەوە هەستم بە بەرپرسیاریەتی دەكرد ، چونكە بە هەموو توانایەكم یاریم دەكرد.
هەروەها ووتیشی: بردنەوەی خولی یانە پاڵەوانەكانی ئەوروپا گرنگترین ڕووداوە لە ژیانم ، من زۆر دڵخۆشم.
بەردەوام بوو ووتی: نەمانتوانی ئەمە لەگەل پاریس بەدەستبهێنین ، هیوادارم لە داهاتوودا پاریس بەدەستیبهێنێت.
لە كۆتایشدا بەرگریكارە بەڕازیلیەكە ستایشی لامپاردی كرد و ووتی: بە بێ لامپارد نە دەگەشتینە ئەم كاتە هیوادارم وەك من دلخۆش بێت.
لە سەرەتایی ئەم وەرزەدا بە گرێبەستێكی سەربەخۆ سێلڤا لە پاریس سان جێرمانەوە پەیوەندی بە ڕیزەكانی چێڵسیەوە كرد.
