یاریگا-
چاڤی هێرناندێزی ئیسپانی و ئەستێرەی پێشووی یانەی بارسێلۆنا و ڕاهێنەری ئێستای یانەی سەدی قەتەڕی ڕایگەیاند وەرزی ڕابردوو میسی دلخۆش نەبووە لە بارسێلۆنا بۆیە بڕیاری ڕۆشتنی داوە.
لە چاوپێكەوتنیدا بۆ كەناڵی “TV3” چاڤی ووتی: نەبوونی دڵخۆشی میسی لەو یانەیە كە بە یانەی ژیانی دادەنێت ، دڵتەنگم دەكات و پێدەچێت شتێكی زۆر خراپ ڕوویدابێت بۆ ئەوەی لیۆ هەست بە دڵخۆشی نەكات.
هەروەها ووتیشی: دەبێت ئەوە دڵنیا بكرێتەوە كە میسی دڵخۆشە ، چونكە ئەو كاتانەی دڵخۆشە شتەكان بە باشی دەڕۆن و یانەكە زۆر شت بەدەستدەهێنێت كە یارمەتیدەر دەبێت بۆ بردنەوەی نازناوەكان ، بەڵام زۆر جار ئەوەم بینیوە لە یاریگا كە میسی دڵخۆش نیە.
لە كۆتایشدا ووتی: من خەمبارم لەبەر ئەوەی لەم چەند ساڵەی دوایدا نەمانتوانی وەك پێوویست سوودی لێ وەربگرین ، وەك چۆن باشترین یاریزانی جیهان و مێژوومان هەبوو بەڵام نەمانتوانی هەبوونی ئەو بەكاربهێنین بۆ بردنەوەی نازناوەكان.
شایەنی باسە وەرزی ڕابردوو میسی بڕیاری ڕۆشتنی دا لە بارسێلۆنا بەڵام یانەكە ئامادە نەبوو دەستبەرداری ئەفسانەكەی بێت.
