ئینگلتەرا
لیڤەرپوول سێ ملیار پاوەندی رەتکردۆتەوە!
یاریگا-گروپی وەرزشی فێنوەی ئۆفەرێکی ملیاردێرە عەرەبەکانی رەتکردووەتەوە بە بەهای سێ ملیار پاوەند بۆ فرۆشتنی یانەکە.
بەگوێرەی میرۆر، یانەی خوازیار ناکۆکییەکانی ئەم دواییەی فێنوەی گروپ و هاندەرانی یانەکەی بە هەل زانیووە تاوەکو هەوڵبدات یانەکە بکڕێتەوە، ئەمە پاش ئەوەی بەهۆی بیرۆکەی سوپەرلیگ، خاوەنانی یانەکە کەوتنە ژێر فشار و رەخنەیەکی زۆرەوە.
پێدانی ئەو بڕە پارەیە خەیاڵییە لە کاتێکدا خاوەنی ئێستای یانەکە لە ٢٠١٠ دا لیڤەرپوولی تەنها بەرامبەر بە ٣٠٠ ملیۆن پاوەند کڕییەوە، بەڵام سەرکەوتنەکانی ئەم دواییەی یانەکە و بە تایبەت دوای هاتنی یۆرگن کلۆپ لە نوێترین لێکۆڵینەوەدا بەهای یانەکە بە دوو ملیار پاوەند خەمڵێندرابوو تاوەکو خوازیارە نوێیەکە ئامادەیی نیشاندا سێ ملیار بدەن لەپێناو بەدەستهێنانی ئەو یانەیە.
