ڕۆناڵدۆ دەیەوێت بگەڕێتەوە مەدرید

یاریگا-

ڕاپۆرتە ڕۆژنامەوانیەكانی ئەمڕۆی ئیسپانیا پەرەسەندنێكی نوێیان سەبارەت بە داهاتووی كریستیانۆ ڕۆناڵدۆی پورتوگالی و ئەستێرەی یانەی یوڤێنتوسی ئیتاڵی بڵاوكردەوە.

گرێبەستەكەی كریستیانۆ لە هاوینی 2022 بەسەردەچێت ، ڕۆژنامەكان ئەوەیان ئاشكراكرد یاریزانەكە لەم هاوینەدا ڕیزەكانی خانمە پیرەكە جێدەهێڵێت.

بەپێی بەرنامەی(چیرینگیتۆ)ی ئیسپانی خۆرخی میندیزی بەڕێوەبەری كارەكانی ڕۆناڵدۆ لەگەل ڕیاڵ مەدرید قسەیكردووە سەبارەت بە گەڕاندنەوەی یاریزانەكە بۆ قەڵای سپی.

ئەمە لە كاتێكدا هات كە هەر زوو لە قۆناغی 16ی خولی یانە پاڵەوانەكانی ئەوروپا یوڤێنتوس لەسەر دەستی پۆرتۆ ماڵئاوایی لە پاڵەوانیەتیەكە كرد.

شایەنی باسە لە هاوینی 2018 بە بڕی 100 ملیۆن یۆرۆ كریستیانۆ ڕۆناڵدۆ لە ڕیال مەدریدەوە پەیوەندی بە یوڤێنتوسەوە كرد.