یاریگا–
دیێگۆ کۆستا، هێرشبەری ئیسپانی نزیکە لەوەی پەیوەندی بە ریزەکانی یانەی پاڵمێراسی بەڕازیلیەوە بکات.
ماڵپەری ترانسفێر نیوز ئاشکرای کردووە، گۆڵکارەکەی پێشووی یانەی ئاتلێتیکۆ مەدریدی ئیسپانیا، لە گفتوگۆدایە لەگەڵ یانە بەڕازیلیەکە و پێشبینی دەکرێت بەم زووانە ئەو یاریزانە پەیوەندی بەو یانەیەوە بکات و گواستنەوەکەش بە خۆرایی بێ بەرامبەر دەبێت.
کۆستا مانگی دێسەمبەری ساڵی رابردوو دوای ئەوەی چەند کێشەیەک لە نێوانی و راهێنەری یانەکەی دروست بوو، گرێبەستەکەی لەگەڵ ئەو یانەیە هەڵوەشاندەوە و ئێستا بێ یانەیە.
