یاریگا–
ئالێکساندەر پاتۆ، هێرشبەری پێشووی هەڵبژاردەی بەڕازیل، پەیوەندی بە یانەی ئۆرلاندۆ سیتی ئەمریکاوە کرد.
ماڵپەری فەرمی یانەی ئۆرلاندۆ سیتی ئەمریکی بڵاویکردەوە، بە شێوەیەکی فەرمی لەگەڵ هێرشبەری پێشووی هەڵبژاردەی بەڕازیل گەیشتنە رێکەوتن و ئەو یاریزانە بۆ ماوەی یەکساڵ و بە خۆرایی پەیوەندی بە یانەکەیاوە کرد. گۆڵکارەکەی پێشووی ئەیسی میلانی ئیتاڵیا، دواجار یاریی بۆ یانەی ساوپاولۆی وڵاتەکەی کردووە.
ماوەیەک پێش دەنگۆیەک هەبوو کە یانەی هەولێر ئۆفەرێکی پێشکەش بە پاتۆ کردووە، بەڵام ئەو یاریزانە رازی نەبووە بێتە خولی عێراق.
