فەرمی: بارسێلۆنا وەلامی دزەپێكردنی گرێبەستەكەی میسی دەداتەوە هەڕەشە لە ئەنجامدەرانی دەكات
یاریگا- یانەی بارسێلۆنای ئیسپانی بە فەرمی وەڵامی دزەپێكردنی وردەكاری گرێبەستەكەی ئەفسانەی یەكەمی یانەكەی لیۆنێل میسی دەداتەوە.
ڕۆژنامەی ئیل مۆندۆ وردەكاری گرێبەستەكەی میسی ئاشكرا كرد.
بەپێی بەیاننامە فەرمیەكەی بارسێلۆنا ، یانەكە لە بڵاوبوونەوەی ئەو بەڵگەنامە تایبەتەدا پەشیمانی و دڵتەنگی خۆی دەردەبڕێت و ئەوە بە نهێنیەكی نێوان هەردوولا دەزانێت.
هەروەها لە بەیاننامەكەدا هاتووە یانەكە ڕەتیدەكاتەوە هیچ بەرپرسیاریەتیەكی هەبێت لە دزەپێكردنی ئەو وردەكاریانە و دووپاتیشیكردەوە ڕێكاری یاسای توند بەرامبەر ڕۆژنامەی ئیل مۆندۆ دەگرنە بەر.
Comunicat sobre Leo Messi
Consulta tots els detalls 👇https://t.co/0Jv9JYeHZ8— FC Barcelona (@FCBarcelona_cat) January 31, 2021
لەكۆتایشدا ڕایانگەیاند پاڵپشتی تەواوی لیۆنێل میسی دەكەن و دژی هەر هەوڵێك دەوەستنەوە كە بیەوێت ناوی ناشرین بكەن لە یانەكە.
