مانچستەر گرێبەستی لەگەڵ ڕۆنی بچووك واژۆ كرد
یاریگا- یانەی مانچستەر یوونایتدی ئینگلیزی گرێبەستی لەگەڵ كای ڕۆنی كوڕی ئەفسانەی پێشووی یانەكە واین ڕۆنی واژۆ كرد.
ڕۆنی بە ئەفسانەی مانچستەر یۆنایتد دادەنرێت و لە ماوەی 13 ساڵدا زیاتر لە 500 یاری لەگەڵ شەیتانە سورەكان ئەنجامدا.
كای كوڕی تەمەنی 11 ساڵە و گرێبەستی لەگەڵ تیمی لاوانی مانچستەر یۆنایتد واژۆ كرد.
ڕۆنی لە پەڕەی تایبەتی خۆی لە توویتەر وێنەیەكی خۆی لەگەڵ كوڕەكەی و خێزانەكەی داناوە و نووسیوویەتی: ” كای گرێبەستی لەگەڵ مانچستەر یۆنایتد واژۆ كرد، هەست بە شانازیەكی زۆر دەكەم ، بەردەوام بە لە ئەنجامدانی كارە سەختەكان كوڕم ”.
Proud day. Kai signing for @ManUtd. Keep up the hard work son ❤️ pic.twitter.com/tTYuUZj7yn
— Wayne Rooney (@WayneRooney) December 17, 2020
شایەنی باسە ڕۆنی 253 گۆڵی لەگەڵ شەیتانە سورەكان تۆماركردووە و گۆڵكاری مێژووی یانەكەیە.
