یاریگا–
ئێدینسۆن کاڤانی، هێرشبەری ئۆروگوایی یانەی مانچێستەر یونایتدی ئینگلیزی چاوەڕێ دەکرێت تووشی سزایەکی قورس ببێت.
کەناڵی BBC بەریتانی بڵاویکردووە دوای بردنەوەکەی مان یو بەرامبەر ساوسامبتن و تۆمار کردنی دوو گۆڵ لەلایەن هێرشبەرە ئۆروگواییەکە، ئەو یاریزانە پۆستێکی لە تۆری کۆمەڵایەتی ئینستاگرام کرد و وشەی negritـی بەکار هێناوە و ئەم وشەیەش لە بریتانیا مانایەکی رەگەز پەرستی دەدات، هەرچەندە دوای ئاگادار کردنەوەی یاریزانەکە لەم وشەیە پۆستەکەی سڕیەوە، بەڵام فێدراسیۆنی ئینگڵاند لێکۆلینەوە لەسەر ئەم پۆستە دەکات و چاوەڕێ دەکرێت سزایەکی قورسی بدەن.
پێشتریش ئەو کاتەی لویس سوارێز لە ریزەکانی لیڤەرپوول بوو، لەسەر بەکار هێنانی ئەم وشەیە بۆ هەشت یاریی سزادرا.
