فەرمی: بەرواری كلاسیكۆی ئیسپانیا دیاریكرا

یاریگا: یەكێتی تۆپی پێی ئیسپانیا بەشێوەیەكی فەرمی بەرواری یەكەم كلاسیكۆی ئەم وەرزەی نێوان بارسێلۆنا و ڕیاڵ مەدریدی دیاریكرد.

وا بڕیارە لە 24ی ئەم مانگە لە یاریگای كامپ نۆوی تایبەت بە یانەی بارسێلۆنا كاتژمێر پێنجی ئێوارە یەكەم كلاسیكۆی ئەم وەرزە بەڕێوە بچێت .

بەم بڕیارەش ڕیاڵ مەدرید زەرەرمەند دەبێت چونكە بارسێلۆنا ڕۆژێك زیاتر پشوو وەردەگرێت و سێ شەممە لە خولی یانە پاڵەوانەكانی ئەوروپا یاری دەكەن و یانە شاهانەكە ڕۆژی چوار شەممە.