فەرمی: ئۆبامیانگ گرێبەستەکەی لەگەڵ ئارسیناڵ نوێ کردەوە

یاریگا- دواجار هاندەرانی ئارسیناڵ ترس و دوودڵیان نەما لەوەی پێری ئێمریک ئۆبامیانگ یانەکەیان جێ بهێڵێت و ناوبراو گرێبەستەکەی نوێ کردەوە.

تۆزێک پێش ئێستا، گەنەرز بە فەرمی نوێ کردنەوەکەی ڕاگەیاند و بەوەش هێرشبەرە گابۆنیەکە تا 2023 لەو یانەیە دەمێنێتەوە.

ئۆبامیانگ دەنگۆی زۆری لەسەر هەبوو کە ئەم هاوینە کۆتا ماوەکانی بێت لەگەڵ تۆپچییەکان، بەو هۆیەشەوە ناوی بە چەند یانەیەکەوە دەبەسترا. لە نێویشیاندا ڕیاڵ مەدرید و بارسێلۆنا.