کوارێزما هێرش دەکاتە سەر پۆرتوگال؛ گەورەترین تیمی تەواوی مێژوو؟ چییان بردووەتەوە؟

یاریگا –

ریکاردۆ کوارێزمای یاریزانی پێشووی نێودەوڵەتیی پۆرتوگال، رەخنەیەکی توندی لە ئاستی پۆرتوگال لە مۆندیالدا گرت دوای شکستی 1-0 لە قۆناخی 16 بەرامبەر ئیسپانیا، هاوکات هەم ئاستی تیمەکەی لەژێر سەرپەرشتیی رۆبێرتۆ مارتینێز و هەم ئەو ستایشانەی کە لەم نەوەیەی یاریزانان دەکرێن، خستە ژێر پرسیارەوە.

کوارێزما لە کاتی قسەکردنی بۆ LiveMode، باسی لەوە کرد کە پۆرتوگال هەرگیز بە راستی لەژێر سەرپەرشتیی راهێنەرە ئیسپانییەکەدا بەرەوپێش نەچووە و گوتی:

بەلای منەوە، لە سەرەتاوە تاوەکوو ئێستا هەموو شتێک بە هەڵە رۆیشتووە. تەنانەت یەک یارییش نەبووە کە بتوانیت بڵێیت پۆرتوگال بە باشی یاریی کردووە. تەنانەت ئەمڕۆش، ئێمە رێگەمان بە ئیسپانیا دا لە سەرەتاوە تاوەکوو کۆتایی کۆنترۆڵی یارییەکە بکات.

هەرشبەرەکەی پێشوو هەروەها رەخنەی لە شێوازی تاکتیکیی مارتینێز گرت و هەرگیز راهێنەرەکەی بە قایلکەر نەبینیوە، گوتیشی:

لەوەتەی رۆبێرتۆ مارتینێز هاتووە، من هەرگیز نەمدیووە تیمی نیشتمانی بە راستی یارییەکی نایاب بکات. ئەو 50 سیستمی تاکتیکیی جیاوازی تاقیکردەوە و هیچ کامێکیان سەرکەوتوو نەبوو.

کوارێزما هەروەها بەرهەڵستی ئەو بڕوا بەربڵاوەی کرد کە دەڵێت ئەمە بەهرەمەندترین نەوەی پۆرتوگالە و گوتی:

گەورەترین تیمی تەواوی مێژوو؟ گەورەترین لە چیدا؟ ئەوان چییان بردووەتەوە؟

ئەم لێدوانانە ئەو دوای ئەوە هاتن کە کاروانی مۆندیالی پۆرتوگال لە قۆناخی 16 کۆتایی پێهات، شکستێک کە هاوکات بوو بە دوایین دەرکەوتنی کریستیانۆ رۆناڵدۆ لە مۆندیالدا.