یاریگا–
زلاتان ئیبراهیمۆڤیچ، هێرشبەری سویدی یانەی ئەیسی میلانی ئیتاڵیا ئامادەیە لەگەڵ یانەکەی بەردەوام بێت.
زلاتان لە مەراسیمی رێزلێنانی بە بۆنەی ئەنجامدانی 100 یاریی بە درێسی رۆسێنەری گووتی ” ئەنجامدانی 100 یاریی بە درێسی میلان شانازیەکی گەورەیە بۆ من و هیوادارم ساڵانی زیاتر یاریی بۆ ئەو یانەیە بکەم، سوپاسی هەموو کەسێک دەکەم کە هاوکارم بوون و بزانین لە کۆتایی وەرز چی روو دەدات ”.
ئیبرا سەرەتای ئەمساڵ بە شێوەیەکی سەربەست پەیوەندی بە ئەیسی میلانەوە کردووە و لەگەڵ ئەو یانەیە لە سەرجەم خوڵ و پاڵەوانتیەکان بەشداری 15 یاریی کردووە و شەش گۆڵ و سێ ئاسیستی هەیە.
