هەموو شتێک تەواوکراوە؛ ئارسیناڵ یەکەم گرێبەستی هاوین واژۆ دەکات

یاریگا –

ناسنامەی لانی کەم یەکێک لە گرێبەستەکانی هاوینەی ئارسیناڵ لە ئێستاوە زانراوە و یەکلایی کراوەتەوە.

بەهۆی ئەوەی ئارسیناڵ لە هاوینی رابردوودا لە یاساکانی یاریی خاوێن نزیک ببووەوە، یانەکە رێککەوتنێکی لەگەڵ بایەر لیڤەرکوزن واژۆ کرد، کە بە روواڵەت تەنیا خواستن بوو لەگەڵ مافی کڕین. ئەمەش بەو مانایە بوو کە تێچووی گرێبەستە هەمیشەییەکە لەژێر ساڵی دارایی 2026 تۆمار دەکرێت، نەوەکوو ساڵی 2025.

لە هەمان کاتدا، دەسەڵات بە هەردوو یانەی ئارسیناڵ و لیڤەرکوزن درابوو بۆ کاراکردنی گرێبەستە هەمیشەییەکە. ئەگەرچی وەکوو “بژاردەیەک” دەردەکەوت، بەڵام هەردوو یانەکە رێک کەوتبوون لەسەر ئەوەی کە گواستنەوە هەمیشەییەکە کۆتایی پێدەهێنرێت.

کۆی گشتیی رێککەوتنەکە دەگاتە 52 ملیۆن یۆرۆ، لەگەڵ بەخشینی مافی 10 لە سەدی فرۆشتنەوە لە داهاتوودا بە یانەی بایەر لیڤەرکوزن. مەرجەکانی گرێبەستێکی پێنج ساڵە بۆ ئەم یاریزانە نێودەوڵەتییەی ئێکوادۆر پێشتر رێککەوتنی لەسەر کراوە.

لە دەرەوەی کەیسی هینکاپیێ، زەحمەتە لەم قۆناخە سەرەتاییەدا لە نییەتەکانی ئارسیناڵ دڵنیا بین. شێوازی کارکردنی ئاندریا بێرتا، بەڕێوەبەری وەرزشیی یانەکە لە بازاڕدا بریتییە لە کۆڵینەوە لە چەندین گرێبەستی شاراوەی جیاواز، پێش ئەوەی پێشکەشی تیمی بەڕێوەبەرایەتیان بکاتەوە.

ئارسیناڵ هاوکات هۆشیارە لەوەی کە پلانەکانی دەکرێت لەژێر کاریگەریی فرۆشتنی یاریزاناندا بن. بابەتەکە تەنیا بریتی نییە لە بوونی پلانی A، بەڵکوو ئارسیناڵ خاوەنی شێوازێکی فرەڕەهەند و گۆڕاوە لە بازاڕدا.