یاریگا –
میدیا بەریتانییەکان بە توندی رەخنە لە دانی ماکێلیی ناوبژیوانی یارییەکەی نێوان ئاتلێتیکۆ مەدرید و ئارسیناڵ لە یاریی چوونی قۆناخی پێشکۆتایی چامپیۆنزلیگ دەگرن.
رۆژنامەکانی بەریتانیا بە توندی رەخنەیان لە ئاستی ناوبژیوان، دانی ماکێلی گرت لە یاریگای میترۆپۆلیتانۆ، دوای یەكسانبوونی ئارسیناڵ و ئاتلێتیکۆ مەدرید 1-1 لە یاریی چوونی قۆناخی پێشکۆتایی چامپیۆنزلیگ.
رۆژنامەی تێلێگراف بەو بانگەشانە دەستی پێکرد کە ڤار لە پێداچوونەوە بە رووداوەکەی ئیبێریچی ئێزێ و دەیڤد هانکۆ و ئامۆژگاریکردنی ناوبژیوان بۆ گۆڕینی بڕیاری سەرەتایی لێدانی سزا زیادەڕەوی کردووە. سەردێڕەکەیان ئاماژەی بەوە کردووە: “ئارسیناڵ دزی لێکرا.”
لە هەمان کاتدا، رۆژنامەی تایمز نوسیوویەتی: “تەنانەت بڕیارە بێماناکانی یوێفاش نەیانتوانی شەوێکی شایستە بۆ ئارسیناڵ تێک بدەن”. یەکێک لە رۆژنامەنووسەکانیان زیاتر دەدوێت و دەڵێت:
لەو سێ لێدانی سزایەی کە هەژمار کران، ئەوەی کە رەتکرایەوە، ئەوە بوو کە زیاتر لە هەموویان شایستەی هەژمارکردن بوو. ئەو لێدانی سزایەی بەردەستکەوتنی ئاتلێتیکۆ مەدرید، لە پرێمەرلیگ بە لێدانی سزا هەژمار دەکرا؟ بێگومان نەخێر.
لە کەناڵی بی بی سی، شیکارییەکان ئاماژەیان بەوە کردووە کە:
دەیڤد هانکۆ بە روونی بە پێڵاوەکەی بەر ئێبێرێچی ئێزێ دەکەوێت دوای ئەوەی بەرکەوتنی لەگەڵ تۆپ دەبێت. بەرکەوتنەکە سووک بوو؟ بەڵێ، بەڵام ئایا هەڵەیەکی روون و ئاشکرا بوو بۆ ئەوەی بە ڤار هەڵبوەشێنرێتەوە؟ بە پشتبەستن بە رووداوەکانی دیکەی یوێفا، بڕیارە سەرەتاییەکەی ناوبژیوان دەبوو وەکوو خۆی بمێنێتەوە.
ئایان رایتی ئەفسانەی پێشووی ئارسیناڵیش لە تۆڕە کۆمەڵایەتییەکان کاردانەوەی هەبوو، وێنەیەکی رووداوەکەی بڵاوکردەوە و نوسیوویەتی: “لە نێو یاریگای خۆمان بووایە، هەژمار دەکرا.”
🤬🤬🤬 knew he’d buckle ! Home side gets that pen! pic.twitter.com/HU2UENcHCt
— Ian Wright (@IanWright0) April 29, 2026
ستیڤ مەکمانامان، یاریزانی پێشووی ریال مەدرید، کە لە کەناڵی TNT Sports شیکاریی دەکرد، رەخنەی لە دیێگۆ سیمیۆنی گرت بەهۆی رەفتار و فشارەکانی بۆ سەر ناوبژیوانان و بە “سامناک” و “جێگەی داخ” وەسفی کرد.
The agonising wait for Arsenal’s ‘second’ penalty that was eventually rescinded – perhaps due to Atletico boss Diego Simone’s histrionics…? pic.twitter.com/60QG0MDrrL
— Layth (@laythy29) April 29, 2026
زۆرێک لە شیکەرەوە ئینگلیزەکان هاوڕابوون لەسەر ئەوەی کە ئەم بڕیارانە کاریگەری نەرێنییان لەسەر ئارسیناڵ هەبووە.
