یاریگا –
مانچێستەر سیتی لە بەیاننامەیەکدا بە فەرمی رۆیشتنی ئەستێرەیەکی دیکەی لەم هاوینە راگەیاند.
جۆن ستۆنز لە هاویندا مانچێستەر سیتی جێدەهێڵێت، بەمەش کۆتایی بە 10 ساڵ مانەوەی پڕ لە یادگاری و سەرکەوتوونی گەورە لە یاریگای ئیتیحاد دەهێنێت.
دوای ئەوەی لە ساڵی 2016 پەیوەندی بە سیتییەوە کرد و بووە دووەم گرێبەستی پێپ گواردیۆلا، ستۆنز تاوەکوو ئێستا 293 یاریی لە ماوەی 10 ساڵ خزمەتکردنی ناوازە کردووە. گومان لە بەشداریی گەورەی یاریزانە 31 ساڵییەکە لە ماوەی بەهێزترین و سەرکەوتووترین سەردەمی مێژووی یانەکەدا نییە.
تاوەکوو ئێستا ستۆنز یارمەتی سیتی داوە بۆ بردنەوەی 19 نازناوی گەورە، لەوانە شەش نازناوی پریمەرلیگ، یەک چامپیۆنزلیگ، دوو جامی یەکێتیی ئینگلتەرا، پێنج جامی کاراباو، سێ قەڵخانی خێرخوازی، یەک مۆندیالی یانەکان و مەدالیای سوپەری ئەوروپا. لەو ماوەیەدا ستۆنز 19 گۆڵ و نۆ ئەسیستیشی هەبووە، هێشتا رەنگە نازناوی دیکەش بەڕێوەبن بەوپێیەی سیتی هێشتا لە هەوڵدایە بۆ سەرکەوتن لە پریمەرلیگ و جامی یەکێتی ئینگلتەرا.
John Stones will leave Manchester City in the summer, bringing an end to a memorable and hugely successful ten-year stay.
🔗 https://t.co/NcunLGO8pT pic.twitter.com/QRhj2aABsi
— Manchester City (@ManCity) April 28, 2026
بەهۆی خاوەندارییەتی تەکنیکێکی ناوازە، مەودایەکی سەرنجڕاکێشی پاسدان لەگەڵ کارکردنێکی زۆر و خوێندنەوەیەکی وردی یاریی، ستۆنز لە زۆر رووەوە نموونەیەکی سیتییەکەی پێپ گواردیۆلا بوو. بەهۆی بەهرەی سرووشتی و نەرمی تاکتیکییەوە، کاروانی ستۆنز لە سیتی وایکرد زۆرجار لە رۆڵێکی تێکەڵ یاریی پێبکرێت کە تێیدا دەچووە ناوەندی یاریگا بە کاریگەرییەکی زۆرەوە، بەتایبەتی لە یاریی کۆتایی چامپیۆنزلیگی 2023.
ستۆنز بڕیارەکەی لە رێگەی ڤیدیۆیەک لە لاپەڕەی فەرمی خۆی لە ئینستاگرام راگەیاند. ئێستا یانەکە و هەموو هاندەرانمان کات بۆ رێورەسمێکی شایستە تەرخان دەکەن و ماڵاوایی لەم خزمەتکارە ناوازەیەی یانەی مانچێستەر سیتی لە کۆتایی وەرزدا دەکەن.
View this post on Instagram
