مارچینیاک: لە یارییەکەی بەرامبەر ئینتەر میلان بڕیارەکانم لە بەرژەوەندی بارسێلۆنا بوون

یاریگا –

شیمۆن مارچینیاک، ناوبژیوانی ناوداری پۆڵەندی، لە لێدوانێکی چاوەڕواننەکراودا دانی بەوەدانا کە لە یاریی وەرزی رابردووی نێوان بارسێلۆنا و ئینتەرمیلان لە چامپیۆنزلیگ، بڕیارەکانی سەرەتا لە سوودی یانە کاتالوونییەکە بوون.

لە کاتی بۆنەیەکدا لە پۆڵەندا، هاندەرێکی بارسێلۆنا لە مارچینیاک نزیک دەبێتە و بەهۆی ئاستی لە یاریی گەڕانەوەی وەرزی رابردوو بەرامبەر ئینتەر سەرزەنشتی دەکات، کە بووە هۆی ئەوەی بلاوگرانا نەگاتە یاریی کۆتایی، و پێی گوت؛ بەهۆی ئاستی ساڵی رابردووت لێت خۆشنابم.

بەڵام ناوبژیوانە پۆڵەندییەکە نەک هەر هاوڕا نەبوو، بەڵکوو جەختی کردەوە کە تەکنەلۆجیای ڤار دوو جار دەستوەردانی کردووە، چونکە دوو بڕیاری لە بەرژەوەندیی بارسێلۆنا دابوو.

من لە یارییەکەدا دژی بارسیلۆنا نەبووم. بڕیارەکانم لە قازانجی بارسیلۆنا بوون و ڤار منی راستکردەوە. لێدانێکی سزام دژی بارسێلۆنا هەژمار نەکرد، بەڵام ڤار بانگی کردم و دیمەنەکەی پێشاندام، دواتر بریاری لێدانی سزام دا. کەواتە ئەگەر راستگۆ بین، دوو بڕیارم لە قازانجی بارسێلۆنا دا بەڵام ئەوان راستیان کردمەوە.

دواتر هاندەرەکە بە گاڵتەوە لێی دەپرسێت؛

“ئەگەر 100 یۆرۆت بدەمێ، لێدانێکی سزا بۆ بارسێلۆنا هەژمار دەکەیت؟”، ناوبژیوانەکەش بێدوودڵی و بە “نەخێر” وەڵامی دایەوە.

🚨🚨🚨 سيمون مارتشينياك:

لم أظلم برشلونة في مباراة الإنتر 💣

قراراتي كانت لصالح برشلونة والـVAR صحح لي 😳

1️⃣ لم أحتسب ركلة جزاء للإنتر ثم الـVAR صحح لي

2️⃣ احتسبت ركلة جزاء لبرشلونة ثم الـVAR صحح لي بأنها كانت خارج المنطقة pic.twitter.com/tifhIpLvwo

— FCB World (@forcabarca_ar) April 27, 2026