بەرگرییەکی توند؛ ئاربێلوا وەڵامی رەخنەی سەر ئێمباپێ و کاماڤینگا دەداتەوە

یاریگا –

ئالڤارۆ ئاربێلوا، راهێنەری ریال مەدرید لە کۆنگرەیەکی رۆژنامەوانی ئامادە بوو و وەڵامی ئەو فشارانەی دایەوە کە دوای کرانەدەرەوەیان لە چامپیۆنزلیگ رووبەڕووی یانەکە بووەتەوە.

داهاتووی ئاربێلوا و حەوت یارییە کۆتاییەکە

سەبارەت بە مانەوەی لە پۆستەکەی، ئاربێلوا رایگەیاند؛

مانەوەم بڕیارێک نییە بەدەست من بێت، بە هیچ شێوەیەک نیگەرانی داهاتووم نیم و تەنیا نیگەرانی ئەم حەوت یارییەم، بە تایبەتی یارییەکەی سبەی.

جەختی لەوەش کردەوە کە ئێستا تەواوی سەرنجی لەسەر حەوت یارییەکەی کۆتایی وەرزی لالیگایە و گوتی؛

لە ریال مەدرید دۆڕاندن قبووڵکراو نییە، دەبێت هەر حەوت یارییەکەی داهاتوومان ببەینەوە.

 بەرگری لە کاماڤینگا و ئێمباپێ

ئاربێلوا بە توندی بەرگری لە کاماڤینگا کرد دوای ئەو هەڵەیەی لە یاری بایرن میونشن روویدا و گوتی؛

کاماڤینگا وەکوو هەموومان زۆر خەمبارە، چونکە دەزانێت چامپیۆنزلیگ بۆ ریال مەدرید چەند گرنگە، ئەوەی روویدا هەڵەیەکی ناوبژیوانیی کوشندە بوو و نەیدەزانی کارتی زەردی هەیە.

هەروەها سەبارەت بە رەخنەکان لە ئێمباپێ، رایگەیاند؛

ناتوانم لە هیچ جووڵەیەکی ئێمباپێ دڵگران بم، چونکە لە هەردوو یارییەکەدا ئاستێکی گەورەی پێشکەش کرد و لە لایەنی بەرگرییەوە قوربانی زۆری، داوای تەواوبوونی یارییەکان چەندین جار سەیریان دەکەینەوە، من لە ئاستی ئێمباپێ ڕازیم و ئەو هەڕەشەیەکی بەردەوام بوو بۆ سەر بایرن میونشن، ئەمەش ئەو کیلیان ئێمباپێیە کە هەموومان دەمانەوێت بیبینین.

پەیامێک بۆ هاندەرانی بێرنابیۆ

راهێنەرەکەی مێرێنگی نیگەران نییە لە ناڕەزایەتی هاندەران و دەڵێت؛

نیگەران نیم، چونکە لە ناو شەقامەکاندا هەستم کردووە کە هاندەرانی مەدرید پشتیوانی تیپەکەن، دەبێت سبەی یارییەکی باش بکەین و شایستەی چەپڵەڕێزانی بێرنابیۆ بین، دەبێت بچینە ناو یاریگا و تەنیا بۆ بردنەوە یاریی بکەین.