یاریگا –
لە هەنگاوێکی نوێدا لیۆنێل مێسی بەرەو وەبەرهێنانی گەورە هەنگاو دەنێت و یانەیەکی ئیسپانی کڕیەوە.
لە راگەیەندراوێکی فەرمیدا یانەی کۆرنێیای ئیسپانی راگەیاند مێسی دەبێتە خاوەنی نوێی یانەکەیان.
کۆرنێیا لە راگەیەندراوەکەیاند پلاتفۆرمی X هەواڵەکەیان بە “هەواڵی سەدە” وەسفکردووە.
🚨 The news of the century! Leo Messi, new owner of #UECornellà 🙌
All the info: https://t.co/eWz8kYYLIs pic.twitter.com/kxJ8AYGcuy
— UE Cornellà 💚 (@ue_cornella) April 16, 2026
فابریزۆ رۆمانۆ ئاشکرایکردووە کە ئەفسانە ئەرجەنتینیە بە رێژەی 100%ی پشکەکانی یانەکەی کڕیوەتەوە.
کۆرنێیا دەکەوێتەوە هەرێمی کەتەلۆنیا، ئێستا لە پلە پێنجی ئیسپانیا رکابەرێتی دەکەن کە پێشتر تا ئاستی پلە سێ رۆشتبوون.
لە بەیاننامەکەیاندا کۆرنێیا نووسیویانە
هاتنی مێسی دەستپێکی لاپەڕەیەکی نوێیە لە مێژووی یانەکەدا بە ئامانجی بەرەوپێشچوونی گەشەی هەردوو لایەنی وەرزشی و دامەزراوەیی، پتەوکردنی بناغە و بەردەوامیدان لە وەبەرهێنان لە بەهرەمەندەکاندا.
🚨 BREAKING: Lionel Messi buys Spanish 3rd division club UE Cornellà. ✍🏼
Catalunya based club will be owned by Leo Messi for its 100%. pic.twitter.com/urf1oCXgZe
— Fabrizio Romano (@FabrizioRomano) April 16, 2026
بۆ زانین، یاریگای یانەی کۆرنێیا شوێنی تەنها 1,500 هاندەری تێدایە. هەردوو یاریزان فداڤید رایای گۆڵپارێزی ئێستای ئارسیناڵ و خۆردی ئالبای یاریزانی پێشووی یانەکانی بارسێلۆنا و ئینتەر مەیامی سەرەتا لەگەڵ ئەو یانەیە دەستیان بە تۆپی پێ کردووە.
