یاریگا –
یەکێتی تۆپی پێی ئینگلتەر سزای یاریزانێکی مانچێستەر یونایتدی قورستر کرد.
مان یو لە یاریی رابردوویاندا کە بە 1-2 بەرامبەر لیدز یونایتد تووشی شکست هاتن، بێبەش بوون لە تواناکانی هاری ماگوایەر.
بەرگریکارە ئینگلیزیەکە لە یاریی پێش شكستەکەی لیدز، بەرامبەر بۆرنمۆس لە 20ی مانگی رابردوو لە خولەکی 78ی یارییەکە بە کارتی سوورکرایەدەرەوە. دواتر وشەی نەشیاوی بەرامبەر ناوبژیوانی چوارەم بەکارهێنا.
بەگوێرەی بەیاننامەی فەرمی یەکێتیەکە، ماگوایەر بۆ یارییەکەی چێڵسیش بەشداریی ناکات بەهۆی هەڵسوکەوتی نەشیاوەوە.
جگە لە درێژکردنەوەی سزاکەی، هاری بە بڕی 30 هەزار پاوەند سزای ماددی دراوە.
🚨 Harry Maguire has been handed one match suspension and £30,000 fine.
Maguire will miss Manchester United’s next match against Chelsea on Saturday. pic.twitter.com/KSw2nWhmG5
— Fabrizio Romano (@FabrizioRomano) April 15, 2026
شەیتانە سوورەکان کە ئێستا لە پلەی سێیەمی ریزبەندیی پرێمەرلیگ دێن، شەممەی داهاتوو لە چوارچێوەی گەڕی 33 گەشتی لەندەن دەکەن بۆ رووبەڕووبوونەوەی بلووز کە ئەمەیان لە پلەی شەشەم شەڕی دەستخستنی بلیتی چامپیۆنزلیگی وەرزی داهاتوو دەکات.
