یاریگا–
دوای ئەوەی کەریم بێنزێما هێرشبەری فەڕەنسی لە لایڤێکی ئینستاگرامدا بەراوردی خۆی و ئۆلیڤەر جیرۆدی هاونیشتیمانی کردبوو، دواجار ئەو یاریزانەش وەڵامی دایەوە.
گۆڵکارەکەی ریال مەدرید لە وەڵامی ئەوەی کە جیاوازی نێوان ئەو و گۆڵکارەکەی چێڵسی چیە گووتبووی ” هیچ کاتێک جیاوازی نێوان فێراری و ئۆتۆمۆبێلی ئاسایی ناکرێت”، مەبەستی ئەوە بووە کە ئەو زۆر پێشترە لە هاونیشتیمانیەکەی. دوای ئەم قسانەی کەریم چاوەڕێ دەکرا کە هاونیشتیمانیەکەشی وەڵامی بداتەوە ئەوەیش دەڵێت ” بەڵێ من شتێکی ئاساییم کە لە 2018 بومەتە پاڵەوانی جیهان”.
مەبەستی جیرۆد لەو قسانەی وەڵامدانەوەی تانەکەی بێنزێما بووە، هەرچەندە یاریزانەکەی ریال مەدرید گووتبووی کە زۆر پشتگیری هاونیشتیمانیەکەی کردووە.
