یاریگا–
دوای بڵاوبونەوەی ڤایرۆسی کۆرۆنا و گیان لەدەستدانی ژمارەیەکی زۆر لە دانیشتوانی جیهان، زۆربەی خوڵ و پاڵەوانتیەکان دواخران کە بۆندزلیگای ئەڵمانیاش یەکێک لەم خولانە بوو.
سەرەتا بەرپرسانی بۆندزلیگا هەوڵی ئەوەیاندا کە یارییەکا بەبێ هاندەر بکرێن، بەڵام تەشەسەندنی ڤایرۆسەکە دۆخەکەی ئاڵۆز کرد و یارییەکان بۆ سەرەتای مانگی داهاتوو دواخران، ئەمڕۆ لە کۆنفڕانسێکی ڤیدیۆییدا ئەنجومەنی خولی ئەڵمانیا بریاریدا کە یارییەکان تاوەکو کۆتایی مانگی داهاتوو دوابخەن و داواشیان لە یانەکان کردووە کە راهێنانەکانیان دەست پێ نەکەنەوە.
لە کۆنفڕانسەکەدا بریار لەسەر ئەوەش دراوە لە ئەگەری ئاسایی نەبونەوەی دۆخەکە، ئەوا لەوانەیە جارێکی دیکە دەست پێکردنەوەی خولەکە دوابخرێتەوە.
