فەرمی؛ مانچێستەر سیتی گرێبەستی ئەستێرەیەکی دیکەی راگەیاند
سێیەم گرێبەستی هاوینە..
یاریگا –
بەشێوەیەکی فەرمی مانچێستەر سیتی گرێبەستی لەگەڵ تیجانی رێندێرس، یاریسازی ئەیسی میلان واژۆ کرد.
ماڵپەڕی فەرمی مانچێستەر سیتی بڵاویکردووەتەوە، بەشێوەیەکی فەرمی لەگەڵ تیجانی رێندێرس گەیشتوونەتە رێککەوتن و گرێبەستیان بۆ ماوەی پێنج وەرز لەگەڵ ئەستێرە هۆڵەندییەکە واژۆکردووە.
More here ⤵️https://t.co/KKngvPBXAq
— Manchester City (@ManCity) June 11, 2025
لەدوای گواستنەوەی رەیان شێرکی، هێرشبەری پێشووی لیۆن و رەیان ئایەت نوری، بەرگریکاری پێشووی وۆڵڤز، رێندێرس سێیەم یاریزانە لەم هاوینە پەیوەندی بە سیتیزنس دەکات.
بەگوێرەی زانیارییەکانی تۆڕی سکای سپۆرتس، مانچێستەر سیتی 46.3 ملیۆن پاوەندی لە گواستنەوەی رێندێرس خەرجکردووە و بە پاداشتە داراییەکانەوە تێچووەکەی دەگاتە نزیکەی 60 ملیۆن پاوەند.
BREAKING: Man City sign Tijjani Reijnders for £46.3m from AC Milan on a five-year deal 🚨🔵 pic.twitter.com/GSuLxfPyDV
— Sky Sports News (@SkySportsNews) June 11, 2025
رێندێرس لە هاوینی 2023 بەبڕی 20.50 ملیۆن یۆرۆ لە ئالکماری هۆڵەندییەوە پەیوەندی بە ئەیسی میلان کرد.
تیجانی رێندێرس لە سەرجەم پاڵەوانێتییەکان 104 یاریی بۆ ئەیسی میلان کردووە، 19 گۆڵی کردووە و 9 گۆڵی دروستکردووە و نازناوێکی جامی سوپری ئیتاڵیای لەگەڵ میلان بەدەستهێناوە.
