یاریگا –
هەوڵەکانی مانچێستەر سیتی بۆ نوێکردنەوەی ریزەکانی درێژەی هەیە و ئەم جارە لەگەڵ گۆڵپارێزێک گەیشتە رێککەوتن.
لە گواستنەوەکانی زستانەدا سیتیزنس چەند گرێەستێکی گرنگی ئەنجام دا. لەوانە عومەر مەرمووش، عەبدولقادر خوسانۆڤ، ڤیتۆر رێیس و نیکۆ گۆنزالێس. دەنگۆی بەهێز هەیە لەم هاوینەی دێت دەستبەرداری نیوەی زیاتری یاریزانەکانی بێت کە ئێدەرسن گۆڵپارێزیشی تێدایە.
بەگوێرەی زانیارییەکی فابریزۆ رۆمانۆ کە تۆزێک پێش ئێستا بڵاویکردووەتەوە، سیتی لەگەڵ بێن ڤیکەری گۆڵپارێزی یانەی هیبێرنانی سکۆتلەندی گەیشتووەتە رێککەوتنی سەرەتایی.
لە درێژەی زانیارییەکانی ئەو رۆژنامەنووسەدا ئەوەش هاتووە کە رێککەوتنەکە بە نزیکەیی یەکلابووەتەوە و ئامادەیە بۆ واژۆکردن. ئەوەش وەک هەوڵێک لەلایەن سیتیەوە بۆ بونیاتنانەوەی یانەکە بۆ داهاتوو.
🚨🔵 Manchester City agree deal in principle with Hibernian for transfer of talented goalkeeper Ben Vickery. 🏴
Deal almost done and set to be signed, sealed soon with Manchester City building again for the future. #MCFC pic.twitter.com/swLfycLW9I
— Fabrizio Romano (@FabrizioRomano) March 7, 2025
