برایتن بەرگریکارێکی یانەیەکی چامپیۆنشیپی گواستەوە
برایتن چاوی لە بەشداریی ئەوروپییە

یاریگا –
برایتن بەرگریکارێکی لە دێربی کاونتی گواستەوە.
درەنگانی شەوی رابردوو، برایتن گرێبەستی لەگەڵ ئیران کاشین، بەرگریکاری دێربی کاوتنی بەبڕی 9 ملیۆن پاوەند واژۆکرد.
گرێبەستی بەرگریکارەکە تاوەکو هاوینی ساڵی 2030 لە قەڵای ئامێکس بەردەوام دەبێت. بەدرێژایی مانگی رابردوو، برایتن هەوڵی گواستنەوەی بەرگریکارەکەیدا، لە کۆتاییدا ئامادەبوو بەهای ئۆفەرەکەی زیادبکات و یانەکەی چامپیۆنشیپ رازیبکات.
فابیان هورزلەر، راهێنەری برایتن لەبارەی گواستنەوەی ئیران دەڵێت
دڵخۆشین بە گواستنەوەی ئیران بۆ برایتن. یاریزانەکە ئەزموونێکی زۆری لە چامپیۆنشیپ وەرگرتووە و دەتوانێت ببێتە زیادەیەکی کاریگەر لە باڵی چەپی هێڵی بەرگریمان. بەپەرۆشین بۆ کارکردن لەگەڵ ئیران.
کاشین بەرهەمی ئەکادیمیای دێربی کاونتییە، لە ساڵی 2021 یەکەم یاریی فەرمی کرد، لەوساتەوە 126 یاریی کردووە و خاوەنی شەش گۆڵە.