یاریگا –
هەفتەی 13ی پرێمەرلیگ ریکۆردێکی ناوازەی لەسەردەستی جەستن کڵویڤێرت بەخۆوە بینی کە پێشتر بەدرێژایی مێژووی خولەکە تۆمارنەکرابوو.
ئەستێرە هۆڵەندیەکە هاوینی 2023 بە بڕی 12.5 ملیۆن و نیو لە رۆماوە گواسترایەوە بۆرنمۆس دوای چەندین ماوەی جیاواز بەخواستن لە لایبزیگی ئەڵمانی، نیسی فەڕەنسی و ڤالێنسیای ئیسپانی.
ئەمشەو ناوی کڵویڤێرت مانشێتی سەرچاوە ئینگلیزیەکان بوو بەهۆی ئەو سێ گۆڵەی لە تۆڕی وۆڵڤەرهامپتنی تۆمارکرد.
هەرسێ گۆڵەکەی جەستن لەڕێگەی لێدانی سزاوە بوو. دوو جار لە گێمی یەکەم و جارێكیش لە گێمی دووەم تۆڕی خاوەن ماڵی هەژاند لە خاڵی پێناڵتیەوە. بەوەش بوو بە یەکەم یاریزان لە مێژووی پرێمەرلیگ هاتریک بە لێدانی سزا تۆماربکات لە یەک یاریدا.
بەگوێرەی زانیارییەکانی تۆڕی ئۆپتا بۆ ئامار و ژمارە پێوانەییەکان، هەر لەو یارییەدا ئیڤانیڵسن بوو بە یەکەمین یاریزان سێ جار لێدانی سزا بهێنێت لە هەمان یارییدا.
1 – Justin Kluivert is the first player in Premier League history to score a hat-trick of penalties in a single match, with teammate Evanilson also the first to win three penalties in the same game in the competition. Spotted. pic.twitter.com/KTDO4CYH0T
— OptaJoe (@OptaJoe) November 30, 2024
بۆرنمۆس یارییەکەی بە ئەنجامی 2-4 بردەوە و بوون بە خاوەنی 18 خاڵ و لە پلەی 11ی پرێمەرلیگ دێن.
