یاریگا –
جۆب بێلینگهام، ئەستێرەی سەندەرلاند، برای جودی یاریزانی ریال مەدرید، ده‌یه‌وێت له مێركاتۆی زستانه په‌یوه‌ندی به یانه‌یه‌كی گه‌وره بكات.
رۆژنامەی سەنی بەریتانی بڵاویکردووەتەوە، بۆروسیا دۆرتمۆند به‌فه‌رمی پەیوەندی به بەرپرسانی سەندەرلاند کردووە، بۆ ئەوەی جۆب شوێنپێی جودی برای بکەوێت درێسی یانه ئه‌ڵمانیه‌كه بپۆشێت.
Borussia Dortmund line up stunning bid for Jude Belligham’s brother Jobehttps://t.co/sPgECjLVRl
— The Sun Football ⚽ (@TheSunFootball) November 10, 2024
رۆژنامه‌كه ئاماژه‌ی به‌وه‌كردووه، كارگێری ریاڵ مەدرید دەستیکردووە بە چاودێریکردنی جۆب بێلینگهامی 19ساڵ، ده‌یه‌وێت سوود له جود بێلێنگهام وه‌ربگرێت و له رێگه‌ی ئه‌و رازیبكات درێسی شاهانه بپۆشێت.
جۆب بێلینگهام دەبێتە بابەتی کێبڕکێیەکی گەورە لەنێوان ریال مەدرید و بۆروسیا دۆرتمۆند، هاوکات سەندەرلاند کاردەکات بۆ ئه‌وه‌ی له ركابه‌ری نێوان ئه‌م دوو یانه‌یه زۆرترین بڕی پاره‌ی له گواستنه‌وه‌ی یاریزانه‌كه ده‌ست بكه‌وێت و په‌له‌ی نیه له ده‌ستبه‌رداربوون له یاریزانه‌كه.
جۆب یاریزانه ناوه‌رستكاره‌كه‌ی سه‌نده‌لاند، لەدایکبووی 23 ئەیلوولی 2005، لەگەڵ یانەی بیرمینگهام سیتی دەستی بە یاری تۆپی پێ کردووە، لە ساڵی 2022 لە تەمەنی 17 ساڵیدا بۆ تیپی یەکەم سه‌ركه‌وت، لە ساڵی 2023-2024، په‌یوه‌ندی به سەندەرلاند کرد، وەرزی رابردوو 45 یاری لەگەڵ یانەکەی كردوو، 7 گۆڵ و ئه‌سیستێكی هه‌بوو، لەم وەرزه‌ش 13 یاری كردووه، 2 گۆڵ و 2 ئه‌سیستی هه‌یه.
