پاڵەوانانی ئاسیا چاڤی هێرناندێز وەک شوێنگرەوەی راهێنەرەکەیان دەستنیشان دەکەن

یاریگا –

دەنگۆی سەرکردایەتی کردنی هەڵبژاردەی قەتەر لەلایەن چاڤی هێرناندێزەوە رۆژ بە رۆژ زیاتر دەبێت.

ئەنجامەکانی هەڵبژاردەی قەتەر لە قۆناغی سێیەمی پاڵاوتنەکانی مۆندیالی 2026 نائومێدکەر بوون. مارکێز لۆپێز کە جێگەی کارلۆس کویرۆزی گرتەوە لەسەر کورسی یەدەگی مارۆنیەکان، توانی کارێکی گەورە ئەنجام بدات و قەتەر بکاتەوە پاڵەوانی جامی ئاسیا.

پاڵەوانێتی لە ئاسیا گەرەنتی بەردەوامی مارکێز لۆپێز لەسەر کورسی یەدەگی هەڵبژاردەی قەتەر بوو، بەڵام لەگەڵ دەستپێکردنی قۆناغی سێیەمی پاڵاوتنەکانی مۆندیال، قەتەر بە ئەنجامە نائومێدکەرەکانەوە، تەنها چوار خاڵی لە چوار یاریی یەکەمی بەدەستهێنا. لە یاریگای خۆیدا بە ئیمارات دۆڕا و دواتر لەلایەن کۆریای باکوورەوە بە دوو گۆڵ بەرامبەر بە دوو گۆڵ یەکسان بوو.

رۆژنامەیەکی قەتەری لە نوێترین بڵاوکراوەی خۆیدا نووسیویەتی:

چاڤی هێرناندێز، راهێنەری پێشووی سەد و بارسێلۆنا ئیسپانی، ئێستا لە دەوحەیە. ئەم گەشتە تا ئێستا بە فەرمی رانەگەیەندراوە، بەڵام لە هەمان کاتدا شەپۆلێکی رەخنەی بەرفراوان هەیە کە ئاراستەی مارکێز لۆپێز، راهێنەری هەڵبژاردەی قەتەر دەکرێت.

ئەم رەخنانە دوای ئەنجامە نالەبارەکانی هەڵبژاردەی قەتەر لە قۆناغی سێیەمی پاڵاوتنەکانی مۆندیالی 2026 دروست بوون و وایکردووە هەندێک چاڤی بە راهێنەری داهاتوو بزانن. پێدەچێت چاڤی راهێنەرایەتی هەڵبژاردەکە بگرێتە ئەستۆ بۆ باشترکردنی ئەنجامەکان، بەتایبەتی بە لەبەرچاوگرتنی ئەوەی کە زۆر ئاشنای تۆپی پێی قەتەرە، چونکە چەندین ساڵ وەک یاریزان و راهێنەر کاری کردووە.

بەڵام تا ئێستا هیچ کاردانەوەیەک لەلایەن فیدراسیۆنی تۆپی پێی قەتەرەوە سەبارەت بە داهاتووی لۆپێز لەگەڵ هەڵبژاردەی قەتەر نەدراوە و ئایا جارێکی دیکە متمانەی پێدەکرێتەوە یان وەڵامی داواکارییەکانی دوورخستنەوەی دەدرێتەوە.