فەرمی؛ گازی باکوور گرێبەستی سێ یاریزانی دیکەی نوێکردەوە

یاریگا-

بەفەرمی یانەی گازی باکوور گرێبەستی سێ یاریزانی دیکەی نوێکردەوە بۆ خۆ ئامادەکردن بۆ وەرزی نوێی خولی ئەستێرەکانی عێراق بۆ تۆپی پێی.

یانەی گازی باکوور گرێبەستی هەریەکە لە یاریزانان عەبدولموهەیمن عەبدوڵڵا و عەبدولرەحمان محەمەد و محەمەد فراس نوێکردەوە.

عەبدولرەحمان محەمەد تەمەن 22 ساڵ لە هێڵی هێرشبەر یاری دەکات و وەرزی رابردوو دوو گۆڵی تۆمارکرد.

یاریزان محەمەد فراس لە هێڵی ناوەراست یاری دەکات.

عەبدولموهەیمن عەبدوڵڵا لە هێڵی بەرگری باڵی راست یاری دەکات و بۆ چوارەم وەرز لەسەر یەکدی گرێبەستەکەی لەگەڵ گازی باکوور نوێکردووە و وەرزی رابردوو سێ گۆڵی تۆمارکرد.