یاریگا-تیباوت کۆرتوا رەخنە لە ئێندریکی هێرشبەری تازەی یانەکەی دەگرێت پاش ئەنجامدانی یەکەم کلاسیکۆی لەگەڵ مێرەنگی.
شەوی رابردوو ئێندریک لە دووهەم یاری خۆیدا بە درێسی مەدرید لە یارییەکی دۆستانەدا رووبەرووی بارسێلۆنا بووەوە بەڵام نەیتوانی کەس سەرسام بکات و ئاستی وەک پێویست نەبوو.
تیباوت کۆرتوا دوای یارییەکە بۆ رۆژنامەنووسان وەڵامی پرسیارێکی دایەوە سەبارەت بە ئێندریک و وتی
ئەو یاریزانێکی بەهێزە و توانای زۆرە بەڵام پێویستە هێمنتر یاری بکات، من ناڵێم خۆی یاریزانێکی شپرزەیە بەڵام کاتێک لە ریاڵ مەدرید لە یاری گەورەدا یاری دەکەیت، ئاساییە ئەگەر تۆزێک شپرزە ببیت.
بارسێلۆنا 2-1 یارییەکەی بردەوە، لەو یارییەی ئێندریک 67 خولەک یاری کرد بەڵام ئەستێرەی یارییەکە پاو تۆرێسی لاوی بارسا بوو کە توانی دوو گۆڵ تۆماربکات.
