عەلی جاسم پەیوەندی بە یانەیەکی ئیتاڵییەوە کرد
عەلی گۆڵکاری جامی ئاسیای ژێر 23 ساڵان بوو
یاریگا –
عەلی جاسم، ئەستێرەی عێراقی و یانەی کارەبا، بە فەرمی پەیوەندی بە یانەی کۆمۆی ئیتاڵییەوە کرد.
یانەی کۆمۆ لە بەیاننامەیەکی فەرمیدا بڵاویکردووەتەوە، عەلی جاسم پشکنینەکانی پزیشکی بە سەرکەتوویی تێپەڕاند و بۆ ماوەی سێ وەرز دەبێتە یاریزانی کۆمۆ.
أهلاً يا علي! 🙌 pic.twitter.com/3bpWAJgwAB
— Como1907 (@Como_1907) July 24, 2024
Como 1907 is delighted to announce the signing of one of the brightest talents from Asia, Ali Jasim from Al-Kahrabaa on a three-year contract 🇮🇶
The 20-year-old Iraqi International winger who spent this season on loan with Al-Quwa Al-Jawiya made his Iraqi Premier League debut… pic.twitter.com/dd1PUsNQo7
— Como1907 (@Como_1907) July 24, 2024
لە بەیاننامەکەی یانە ئیتاڵییەکەدا هاتووە
یانەی کۆمۆ بە دڵخۆشییەوە واژۆکردنی گرێبەست لەگەڵ عەلی جاسم، یەکێک لە درەوشاوەترین بەهرەمەندەکانی ئاسیا رادەگەیەنین. عەلی جاسم دوێنێ پشکنینی پزیشکی لە پاریس کرد، عەلی گرێبەستێکی بۆ ماوەی سێ ساڵ واژۆ کردووە.
سێسک فابرێگاس، راهێنەری کۆمۆ لەبارەی گواستنەوەی عەلی جاسم دەڵێت
بڕوامان وایە جاسم بە خێرایی لەگەڵ کۆمۆ بەرەوپێش دەچێت. تاوەکو ئێستا ئاستێکی بەرز لەگەڵ هەڵبژاردەی نیشتمانی و یانەکەی لە چامپیۆنزلیگ پێشکەش دەکات. هیوادارم بەزووترین کات کاریگەری لە ئیتاڵیا و وەرزی داهاتوو ببینین.
ئەستێرەکەی پێشووی یانەی کارەبا بە پێگەی فەرمی کۆمۆی راگەیاندووە
زۆر دڵخۆشم بە پەیوەندی کردنم بە یانەی کۆمۆ. ئەمە وێستگەیەکی زۆر گرنگی کاروانی تۆپی پێی منە. زۆر سوپاسی هەمووان دەکەم کە یارمەتییان داوم، تاوەکو بگەمە ئەم خاڵە. بە پەرۆشم بۆ دەستپێکردنی چاپتەرێکی نوێ لە ئیتاڵیا و خرۆشاوم بۆ پێشکەشکردنی باشترین ئاستی خۆم لەگەڵ کۆمۆ. دەمەوێت سوپاسی سێسک فابرێگاس و دەستەی کارگێڕی یانەکە بکەم، چونکە متمانەیان بە من بوو. بەڵێن دەدەم، زۆر خۆم ماندوو بکەم، تاوەکو سەرکەوتن بۆ ئەم یانەیە و خەڵکی عێراق بەدەستبهێنم. سوپاس بۆ پشتگیری بەردەوامتان.
View this post on Instagram
عەلی جاسم، تەمەن 20 ساڵ لە وەرزی رابردوودا بە خواستن یاری بۆ یانەی قوە جەوییە کرد. یاریزانە عێراقییەکە 13 یاری نێودەوڵەتی لەگەڵ عێراق کردووە و گۆڵکاری جامی ئاسیای ژێر 23 ساڵان بوو.
