داڤید رایا پاداشتی ئاستە نایابەکەی لەگەڵ ئارسیناڵ وەرگرت
یاریگا –
ئارسیناڵ پاداشتی داڤید رایای دایەوە لەپای ئەو ئاستە بەرزەی وەرزی رابردوو لەگەڵ یانە لەندەنیەکە پێشکەشی کرد.
رایا کە هاوینی 2023 بە بڕی 3 ملیۆن پاوەند و بە خواستن لە برێنتفۆردەوە گواسترایەوە گەنەرز، هەرزوو توانی شایستەیی خۆی بسەلمێنێت و جێگەی ئارۆن رامسدەیڵ بگرێتەوە.
کەمێک پێش ئێستا فابریزۆ رۆمانۆ لە پێگەی فەرمی خۆی لە پلاتفۆڕمی ئێکس بڵاویکردەوە کە ئارسیناڵ مەرجی کڕینەوەی ئەو گۆڵپارێزە ئیسپانییەی چالاک کردووە و کردوویەتی بە یاریزانی هەمیشەیی گەنەرز.
🚨🔴⚪️ Understand Arsenal have now formally activated the buy option for David Raya from Brentford.
He’s Arsenal player on permanent deal for £27m as planned; it was already decided and now completed.
Formal statement to follow but all done for Raya as key part of #AFC project. pic.twitter.com/v6adwjRQhT
— Fabrizio Romano (@FabrizioRomano) July 1, 2024
رۆمانۆ ئاشکرایشی کردووە کە بری بە هەمیشەییکردنی گرێبەستی گۆڵپارێزە 28 ساڵانەکە 27 ملیۆن پاوەند لەسەر خەزێنەی تۆپچیەکان کەوتووە. ئەوەش پێشتر کاتی گواستنەوەی بە خواستن بڕیاری لەسەردراوە و ئێستا تەواوکراوە.
بەو هەنگاوە، رایا دەبێتە رەگەزێکی سەرەکی لە پرۆژەی یانەکەی باکووری لەندەن و تیمەکەی میکێل ئارتێتا.
رایا لە یەکەم وەرزیدا لەگەڵ ئارسیناڵ توانی ببێتە خاوەنی زۆرترین کلین شیت لەسەر ئاستی سەرجەم گۆڵپارێزەکانی پرێمەرلیگ و تەنانەت خەڵاتی دەستکێشی زێڕینی بۆ باشترین گۆڵپارێزی خولەکەیش بردەوە.
